خاتون نے اورنج لائن کے پلیٹ فارم سے کود کر خودکشی کر لی

 

لاہور میں میٹرو اورنج لائن کے پلیٹ فارم سے کود کر مبینہ طور پر ایک خاتون نے خودکشی کر لی۔ڈیلی ڈان کے مطابق اس افسوسناک واقعے کی سی سی ٹی وی فوٹیج سامنے آئی ہے جس میں خاتون کو اورنج لائن کے یتیم خانہ سٹیشن کے پل سے نیچے روڈ پر چھلانگ لگاتے ہوئے دیکھا جا سکتا ہے۔

رپورٹ کے مطابق اس قدر بلندی سے گرنے پر خاتون کی موقع پر ہی موت واقع ہو گئی۔ اورنج لائن سٹیشن کے سٹاف کی طرف سے پولیس کو واقعے بارے مطلع کیا گیا، جنہوں نے موقع پر پہنچ کر خاتون کی لاش کو ہسپتال منتقل کیا۔ تاحال خاتون کی شناخت معلوم نہیں ہو سکی۔

 

آگ لگنے سے 2 بچیاں پچھلی سیٹ پر پھنس گئیں، راہگیر نے کار کے دھماکے سے پھٹنے سے چند سیکنڈ قبل دونوں کو ریسکیو کرلیا

امریکی ریاست ایریزونا میں  سیم ہیلر نامی ایک بہادر شخص نے دو چھوٹے بچوں کو جلتی ہوئی کار سے اس کے پھٹنے سے چند سیکنڈ قبل باہر نکال لیا۔  فوکس نیوز کی ایک رپورٹ کے مطابق سیم ہیلر اور ان کی اہلیہ میلیسا چھٹی کے لیے جارہے تھے کہ اسی دوران انہوں نے ناواجو کاؤنٹی  میں کار کو آگ لگی دیکھی۔

سیم  ہیلر نے بتایا کہ دونوں لڑکیوں کے والدین کار کی اگلی سیٹوں سے باہر نکلے اور اپنے دروازے بند کردیے جس کی وجہ سے دونوں بچیاں پچھلی سیٹوں پر پھنس گئیں۔ جب انہوں نے بچوں کو نکالنے کیلئے دروازے کھولنے کی کوشش کی تو وہ نہیں کھلے جس پر والدین حواس باختہ ہوگئے، انہوں نے رونا اور چیخنا چلانا شروع کردیا، اس دوران وہ ہاتھوں سے کھڑکیوں کے شیشے توڑنے کی کوشش کرتے رہے۔

سیم ہیلر کے مطابق آگ تیزی سے پھیلتی جا رہی تھی، اس نے اور بچوں کے والدین نے پچھلی ونڈو کو پتھر مار کر توڑنے کی کوشش کی لیکن کامیابی نہیں ہوسکی۔ اس کے بعد اس نے فیصلہ کیا کہ دروازے کا شیشہ توڑا جائے۔ اس نے پتھر مار کر دروازے کا شیشہ توڑا اور دونوں بچیوں کو باہر نکال لیا۔ بچوں کو ریسکیو کرنے کے چند ہی سیکنڈ بعد آگ فیول ٹینک تک پہنچ گئی اور ایک زور دار دھماکے سے پھٹ گئی۔

لفظوں میں بیان کرنا مشکل ہے،‘ ڈبلیو ڈبلیو ای ریسلر سمیع زین نے عمرہ ادا کر لیا

 

امریکہ ڈبلیو ای) کے ریسلر سمیع زین نے سعودی عرب میں عمرہ ادا کیا ہے اور حرم میں اپنی تصاویر بھی شیئر کی ہیں۔

جمعے کو سمیع زین نے ٹوئٹر پر دو تصاویر شیئر کی جس میں وہ کعبے کو عقیدت سے چھوتے ہوئے نظر آ رہے ہیں

میں ورلڈ ریسلنگ انٹرٹینمنٹ (ڈبلیو

انہوں نے اپنی ٹویٹ میں لکھا کہ ’ایک پیشہ ور ریسلر اور ڈبلیو ڈبلیو ای کے ساتھ رہنے سے وہ ان مقامات پر بھی جاتے ہیں جن کے بارے میں انہوں نے کبھی خواب میں بھی نہیں سوچا تھا۔‘

انہوں نے مزید لکھا کہ ’اس وجہ سے مجھے ایک ایسی زندگی ملی ہے جس میں حسین تجربات شامل ہیں وہ بھی ایسے جن سے میں ہمیشہ لُطف اندوز ہوں گا۔‘

انہوں نے حرم کا حوالے دیتے ہوئے لکھا کہ ’الحمد اللہ یہ (کعبہ) ان مقامات کی فہرست میں سب سے اوپر ہے۔‘

واضح رہے ڈبلیو ڈبلیو کا مین ایونٹ ’نائٹ آف دا چیمپیئنز‘ سعودی عرب کے شہر جدہ میں آج منعقد ہو رہا ہے جہاں ڈبیلیو ڈبلیو ای کے دیگر بڑے ریسلرز کے ساتھ سمیع زین بھی ایکشن میں نظر آئیں گے اور ان کا اور ان کے پارٹنر کیون اوونز کا مقابلہ ’ان ڈسپیوٹڈ چیمپیئن‘ رومن رینز کی ٹیم سے ہوگا۔

اڑتیس سالہ کینیڈین ریسلر کی ایک ویڈیو ڈبلیو ڈبلیو ای نے اپنے یوٹیوب چینل پر بھی اپلوڈ کی ہے جس میں انہیں جذباتی انداز میں گفتگو کرتے ہوئے دیکھا جا سکتا ہے۔

سمیع زین کا کہنا تھا کہ ’میری تو سمجھ میں ہی نہیں آ رہا کہ میں یہاں موجود ہوں۔ اسے لفظوں میں بیان کرنا مشکل ہے۔‘

ویڈیو میں ڈبلیو ڈبلیو ای کے ریسلر کو کعبہ کے گرد طواف کرتے ہوئے بھی دیکھا جا سکتا ہے۔ عمرے کی ادائیگی کے بعد ان کا کہنا تھا کہ ’یہ میرے لیے ایک جذبات سے بھرپور دن تھا اور اس وقت میں بس خود کو بہت شُکر گزار محسوس کر رہا ہوں کہ مجھے یہ (عمرہ) کرنے کا موقع ملا۔‘

ملتان میں ماں نے جائیداد بچانے کیلئے سوتیلے بیٹے کو قتل کردیا

ملتان میں سوتیلی ماں نے جائیداد بچانے کے لیے سوتیلے بیٹے کو قتل کر دیا۔ نیوز ویب سائٹ ’پروپاکستانی‘ کے مطابق چک نمبر 97ایم کی زینب بی بی نامی ملزمہ 10سالہ لڑکے کو ڈسٹرکٹ ہیڈ کوارٹرز ہسپتال لے کر آئی اور ڈاکٹروں کو بتایا کہ بچے کو کرنٹ لگ گیا ہے۔ تاہم ڈاکٹروں نے صورتحال مشکوک گردانتے ہوئے حکام کو مطلع کر دیا۔

 

پولیس نے ملزمہ کو حراست میں لے کر تفتیش کی تو ملزمہ نے جرم کا اعتراف کر لیا۔ اس سفاک عورت نے بتایا کہ اس نے پہلے آلو کے چپس بنا کر انہیں زہرآلود کرکے بچے کو کھلائے تاہم اس زہر سے لڑکے کی فوری طور پر موت واقع نہ ہوئی جس پر اس نے لڑکے کو بجلی کے ننگے تاروں سے کرنٹ لگایا۔

جب اس سے بھی لڑکے کی موت نہ ہوئی تو اس نے بچے کو پھندہ دے کر قتل کر دیا اور مرے ہوئے بچے کو لے کر ہسپتال چلی گئی تاکہ کرنٹ لگنے سے اس کی موت ہونے کا ڈرامہ رچا سکے۔ پولیس کے مطابق ملزمہ چاہتی تھی کہ اس کے شوہر کی جائیداد اس کے بطن سے پیدا ہونے والے بیٹوں کو ملے، چنانچہ اس نے سوتیلے بیٹے کو قتل کر ڈالا۔ ملزمہ سے مزید تفتیش کی جا رہی ہے۔

چین میں کورونا کی نئی لہر کا خدشہ، ایک ہفتے میں ساڑھے 6 کروڑ افراد کے متاثر ہونے کا امکان، تیاریاں شروع کردی گئیں

چینی حکام کورونا وائرس کی جاری نئی لہر سے نمٹنے کے لیے ویکسین تیار کرنے کے لیے تیزی سے کام کر رہے ہیں جو جون میں عروج پر  پہنچے گی  اور ایک ہفتے میں 65 ملین افراد کو متاثر کرے گی۔وائرس کی نئی XBB قسمیں اس لہر کی وجہ ہوں گی۔

واشنگٹن پوسٹ کے  مطابق  معروف چینی وبائی امراض کے ماہر ژونگ نانشین  نے   کہا کہ ایکس بی بی اومیکرون سب ویریئنٹ  کے لیے دو نئی ویکسینیشنز (بشمول XBB. 1.9.1، XBB. 1.5، اور XBB. 1.16) ابتدائی طور پر دی گئی ہیں۔ گوانگزو میں ایک بائیوٹیک سمپوزیم سے خطاب کرتے ہوئے ژونگ نے کہا کہ جلد ہی تین سے چار دیگر ویکسینز کی منظوری مل جائے گی، لیکن انہوں نے مزید کوئی معلومات نہیں دیں۔

چین کا سخت صفر کوویڈ پروگرام گزشتہ موسم سرما میں ترک کر دیا گیا تھا، اس وقت ملک کی 85 فیصد آبادی اس سے متاثر ہوچکی تھی لیکن نئی لہر اب تک ریکارڈ کی گئی بیماری کی سب سے بڑی لہر ہو سکتی ہے ۔

چین میں حکام کا دعویٰ ہے کہ موجودہ لہر کم شدید ہوگی لیکن صحت عامہ کے ماہرین کا خیال
ہے کہ ملک کی بڑی عمر رسیدہ آبادی میں اموات میں ایک اور اضافے سے بچنے کے لیے، ایک

 بھرپور ویکسینیشن بوسٹر پروگرام اور ہسپتالوں میں اینٹی وائرلز کی فراہمی ضروری ہے۔ 

مجھے سانس نہیں آرہی،‘ جب خدیجہ شاہ کو منہ پر سیاہ کپڑا ڈال کر عدالت لایا گیا

 

کور کمانڈر ہاؤس حملہ کیس میں نامزد ملزمہ خدیجہ شاہ کو بدھ کے روز انسداد دہشت گردی عدالت میں منہ پر سیاہ کپڑا ڈال کر پیش کیا گیا۔

عدالت نے ملزمہ کو شناخت پریڈ کی غرض سے سات روز کے لیے جیل بھیج دیا ہے۔ ہائی پروفائل کیس میں نامزد ملزمہ اور ڈیزائنر خدیجہ شاہ کا نام اس وقت بھی ٹوئٹر پر ٹاپ ٹرینڈز میں شامل ہے۔

پاکستانی اینکرپرسن فریحہ ادریس نے ایک ٹویٹ میں لکھا کہ ’لندن سکول آف اکنامکس کی گریجویٹ، بزنس وومن اور تین بچوں کی والدہ کا منہ سیاہ کپڑے سے ڈھک کر انسداد دہشت گردی عدالت میں پیش کیا گیا، اس کے باوجود کہ انہوں نے حکام کو بتا دیا تھا کہ انہیں دمے کا مرض لاحق ہے۔‘

صحافی وسیم عباسی نے فریحہ ادریس کو جواب دیتے ہوئے لکھا کہ ’معذرت کے ساتھ کہنا چاہوں گا کہ لندن سکول آف اکنامکس کا گریجویٹ ہونا آپ کو جرم کی ذمہ داری سے بری الذمہ نہیں کردیتا اگر جرم ثابت ہوجائے۔‘

انہوں نے مزید لکھا کہ ’برطانوی پاکستانی دہشت گرد عمر سعید شیخ بھی لندن سکول آف اکنامکس گیا تھا۔ کیا ہمیں تمام سیاسی قیدیوں کے لیے آواز اٹھانی چاہے

ٹوئٹر پر خدیجہ شاہ کی ایک اور ویڈیو بھی وائرل ہے جس میں وہ پولیس وین میں بیٹھی ہیں اور اہلکاروں کو کہہ رہی ہیں کہ ’میری طبعیت خراب ہو رہی ہے، اندر بہت گھٹن ہے۔ اندر جلدی پہنچا دیں، مجھے سانس نہیں آ رہا۔‘

لاہور کور کمانڈر ہاؤس حملے کی اہم ملزمہ خدیجہ شاہ گرفتار

لاہور پولیس نے 9 مئی کو کور کمانڈر ہاؤس پر حملے کی اہم ملزم جدیجہ شاہ کو گرفتار کر لیا ہے۔

اس بات کی تصدیق پنجاب کے نگران وزیر اطلاعات عامر میر نے کی ہے۔

ان کے مطابق خدیجہ شاہ نے لاہور سی آئی اے کے دفتر میں خود گرفتاری دی ہے۔ وہ اس وقت پولیس حراست میں ہیں ان سے تفتیش کی جا رہی ہے۔

خدیجہ شاہ پاکستان کی ایک معروف فیشن ڈیزائنر ہیں جب کہ ان کی سیاسی وابستگی پاکستان تحریک انصاف سے ہے۔

وہ پاکستان کے سابق آرمی چیف جنرل آصف نواز جنجوعہ کی نواسی اور سابق وفاقی وزیر خزانہ سلمان شاہ کی صاحب زادی ہیں۔

پولیس کو وہ گذشتہ کئی روز سے کورکمانڈر ہاؤس حملے میں مطلوب تھیں تاہم وہ گرفتاری سے بچنے کے لیے روپوش تھیں۔

چیئرمین تحریک انصاف عمران خان کی 9 مئی کو گرفتاری کے بعد جب پی ٹی آئی کارکنوں نے ملک بھر میں مظاہرے کیے تو لاہور کے مظاہروں میں خدیجہ شاہ بھی شریک تھیں۔

ان کے سوشل میڈیا اکاؤنٹس سے جاری ویڈیوز میں دیکھا جا سکتا ہے کہ وہ لاہور کے لبرٹی چوک سے کور کمانڈر ہاؤس جانے والے افراد کے ساتھ تھیں۔ پولیس جیو فینسنگ نے ذریعے ہر اس شخص کو گرفتار کر رہی ہے جو اس وقت کورکمانڈر ہاؤس میں موجود تھا۔

فیشن ڈیزائنر خدیجہ شاہ کے لاہور کینٹ میں موجود گھر میں پولیس نے ان کی گرفتاری کے لیے چھاپہ مارا تاہم وہ گھر پر موجود نہیں تھیں۔

پولیس نے سلمان شاہ اور خدیجہ کے شوہر جہانزیب کو حراست میں لے لیا تھا تاہم سلمان شاہ کو بعد میں چھوڑ دیا گیا البتہ ان کے شوہر ابھی تک پولیس تحویل میں ہیں۔

ریٹائرڈ فوجیوں کی تنظیم ویٹرنز آف پاکستان نے خدیجہ شاہ کے گھر چھاپوں کے خلاف مذمتی بیان بھی جاری کیا تھا۔

پولیس گزشتہ ایک ہفتے سے خدیجہ شاہ کو گرفتار کرنے کے لیے کوشاں تھی تاہم وہ پولیس کی دسترس میں نہیں آئیں۔ گزشتہ روز انہوں نے ایک آڈیو بیان جاری کیا کہ وہ خود گرفتاری دینے کے لیے تیار ہیں ان کے خاندان کے افراد کو ہراساں نہ کیا جائے۔

انہوں نے اپنے بیان میں کہا کہ وہ امریکی شہری بھی ہیں اور اس حوالے سے امریکی سفارتخانے سے بھی رابطے میں ہیں۔

خدیجہ شاہ نے یہ تو بتایا کہ کورکمانڈر ہاؤس احتجاج کے لیے گئی تھیں کیونکہ وہ عمران خان کی حمایتی ہیں البتہ انہوں نے جلاؤ گھیراؤ اور توڑ پھوڑ کے الزامات کی تردید کی تھی۔

ہاتھ پکڑ کر چلنے والے باپ بیٹے پر آسمانی بجلی گر گئی

امریکی ریاست ٹیکساس میں ایک بس سٹاپ سے چہل قدمی کے دوران آسمانی بجلی گرنے سے ایک 34 سالہ شخص ہلاک اور اس کا بیٹا شدید زخمی ہوگیا۔ میتھیو بوگس اپنے دو بیٹوں، گریسن اور ایلیا کے ساتھ اپنے ڈرائیو وے پر چل رہے تھے، جب آسمان سے بجلی  گری۔

خاندان کے افراد کی طرف سے گو فنڈ می پر چلائی گئی مہم کے مطابق جب آسمانی بجلی گری اس وقت میتھیو بوگس اپنے چھ سالہ گریسن کا ہاتھ پکڑ کر چل رہے تھے۔

واقعہ پیش آنے کے بعد پولیس موقع پر پہنچی تو باپ اور بیٹا بے سدھ تھے، میتھیو کی موقع پر ہی ہلاکت کی تصدیق کردی گئی جب کہ چھ سالہ گریسن کو بچوں کے ہسپتال منتقل کردیا گیا جہاں اس کی حالت خطرے سے باہر ہے

نگران حکومت نے بے گناہ لوگ مروائے ہیں، اقتدار میں آکر ان پر مقدمات بنائیں گے، عمران خان کا اعلان

پاکستان تحریک انصاف کے چیئرمین عمران خان نے کہا کہ اللہ تعالیٰ نے موقع دیا تو نگران حکومت کا حساب کتاب ہو گا۔

 عمران خان نے پنجاب کی نگران حکومت کے خلاف کارروائی کا عندیہ دیتے ہوئے کہا کہ نگران

 حکومت نے بے گناہ لوگ مروائے ہیں، ان پر

 کیسز بنیں گے،  نگران وزیر اعلیٰ پنجاب محسن نقوی اور ان کی کابینہ کے خلاف کارروائی ہو گی

انہوں نے کہا کہ نگران حکومت کے خلاف کیسز درج ہوں گے، نگران حکومت 90 دن میں الیکشن نہیں کرا سکی، انہوں نے قانون توڑا ہے۔

وہ وقت جب مفتی طارق مسعود کے گھر ’ جنات‘ نے حملہ کر دیا، چھٹکارا کیسے حاصل کیا ؟ انتہائی دلچسپ واقعہ

 

کراچی سے تعلق رکھنے والے مفتی طارق مسعود نے اپنے ساتھ پیش آنے والے جنات کے واقعے کی دلچسپ تفصیلات سنا دیں ۔

تفصیلات کے مطابق مفتی طارق مسعو د نے کہا کہ میں نے دس سال پہلے یہاں آتے ہی عاملوں کے خلاف بیان شروع کر دیئے ، لوگ اس قسم کے بیانات سننے کے عادی نہیں تھے، لوگوں نے کہا کہ آپ عاملوں سے دشمنی لے رہے ہیں ، کھلے عام ان کو بر بھلا کہہ رہے ہیں کہیں ایسا نہ ہو کہ جنات آ جائیں، میں نے کہا کہ بھیجیں جنات ، تو اب باتیں میرے خلاف ہو نے لگی، ہمارے موذن نیک آدمی ،وہ بھی ڈرنے لگے کہ مفتی صاحب ہمیں کہیں مروا ہی نہ دیں ، ایک دن رات کے وقت دھماکے شروع ہو گئے عجیب قسم کے ، جیسے نلکا کھل جاتا ہے ، پانی گر رہا ہے ، کبھی بیڈ کے نیچے دیکھوں کبھی کہیں دیکھوں، چھت پر کمرہ نہیں تھا ، تو میں چھت پر گیا ، سوچا دیکھوں کہ کیا معاملہ ہے، وہاں کوئی چیز نہیں تھی ، اچانک اینٹ کے ہلنے کی آواز آئی ،جیسے کسی نے اینٹ کو زمین پر دھکا دیا ہو، میں پریشان ہو گیا کہ کیا ہو رہاہے ،میں نے فیصلہ کیا کہ جو بھی ہو تعویز گنڈے نہیں لوں گا،

پھر بار بار یہ شور دھماکے ، جیسے پتھر دیواروں پر لگ رہے ہوتے ہیں ، جیسے پتھروں کی فائرنگ ہو رہی ہوتی ہے ، لیکن یہ پتھر نہیں ہیں ، میں نے اڑھائی تین بجے موذن صاحب کو فون کیا تو ان سے پوچھا کہ آوازیں آ رہی ہیں، انہوں نے کہا کہ بھر پور طریقے سے آوازیں آ رہی ہیں۔

پھر صبح چار پانچ بجے یہ آوازیں بندہو گئیں ، اگلے دن پھر خاص ٹائم پر یہ آوازیں شروع ،میں نے گھر والوں کو ان کی والدہ کے گھر بھیج دیا ،موذن صاحب نے مجھ سے سنا تھا کہ جو ’جنوں‘ سے ڈرتا ہے اس پر جن اور زیادہ آتے ہیں، وہ نیچے آئے اور ٹینکی کے نیچے کھڑے ہو کر کہہ رہے ہیں کہ ہم تم سے ڈرتے نہیں ہیں ، اللہ کا واسطہ یہاں سے چلے جاﺅ، جن کہے گا کہ اگر ڈرتا نہیں ہے تو ہاتھ جوڑ کر واسطے دے رہاہے ۔مجھے موذن صاحب نے نہیں بتایاکہ وہ یہ سب کر رہے ہیں ، میرے خلاف محلے میں باتیں شروع ہو گئیں

ایک ہفتہ مسلسل یہ دھماکے ہوئے ، میں نے کہا اس کو دیکھنا چاہیے کہ کوئی شرارت کر رہاہے یایہ کیا ہور ہاہے ، فیصلہ کیا کہ جیسے ہی پہلی آواز آئی تو میں فورا جاﺅں گا، دو تین دن سے ٹریس کر رہاتھا تو ایک دن مجھے اندازہ ہوا کہ پہلی آواز گیزر سے شروع ہوئی، اس کے بعد دھماکے ، میں نے کہا کہ پکڑ لیا ، کچھ نہ کچھ گیزر میں کوئی گڑ بڑ ہوئی ہے ، جب کوئی لاجک تلاش کرنی ہے تو جہاں سے سرا ملے گا ، اسے پکڑیں گے ، میں نے کہا کہ گیزر سے جنات کا کوئی تعلق نہیں ہو سکتا ، دھماکوں کی ابتداءگیزر سے ہو رہی ہے ، صبح موذن صاحب ملے میں نے کہا کہ مبارک ہو میں نے رات کو جن پکڑ لیاہے ، وہ آج رات نہیں آئے گا اس نے کہا کہ گیزر بند کر دینا ، اسے گرمی لگ رہی ہے ، وہ ٹھنڈے ملکوں کا عادی ہے ،گیزر بند کر دیا تو کوئی دھماکہ نہیں ہوا، میں نے مسجد کے صدر کو بلایا اور کہا کہ گیزر کو دیکھیں، چیک کیا تو پتا چلا کہ گیزر سے پریشر ریلیز ہونے کا کوئی راستہ نہیں ہے ، گیزر میں پریشر بنتاہے تو وہ پائپ کے ذریعے ٹینکی میں چلا جاتا ہے ، ٹینکی میں اینٹیں پڑی ہوئی تھیں، ٹینکی بھی مکمل طور پر بند تھی، پھر جب پریشر بنتا تو اینٹیں دیواروں سے لگتیں اور ٹینکی کا ڈھکن زور زور سے بجتا اور کبھی اوپر اٹھ کر نیچے گرتا ، زور دار دھماکے 

ہوتے رہے ، پھر جب پریشر ریلیز کیا گیا تو دھماکے ختم ہو گئے۔

نشے میں دھت مسافر نے ایئر ہوسٹس کے ساتھ ایسی شرمناک حرکت کردی کہ ایئر پورٹ پہنچتے ہی گرفتار کرلیا گیا

ایک  مسافر کو نشے کی حالت میں دبئی امرتسر پرواز میں ایئر ہوسٹس کے ساتھ چھیڑ چھاڑ کرنے کے الزام میں گرفتار کرلیا گیا۔پولیس نے بتایا کہ راجندر سنگھ جس کا تعلق پنجاب کے  شہر جالندھر کے گاؤں کوٹلی سے ہے، نے ایئر ہوسٹس کے ساتھ  بحث  کی  اور  مبینہ طور پر اس کے ساتھ چھیڑ چھاڑ کی۔ ایئر ہوسٹس  یہ واقعہ عملے کے نوٹس میں لائی ،  ملزم مبینہ طور پر نشے کی حالت میں تھا۔ اس کے بعد عملے کے ارکان نے امرتسر کنٹرول روم کو معاملے کے بارے میں مطلع کیا اور ایئر لائن کے اسسٹنٹ سیکیورٹی مینیجر نے پولیس میں شکایت درج کرائی۔

این ڈی ٹی وی کے مطابق ملزم کو  امرتسر کے شری گرو رام داس جی بین الاقوامی ہوائی اڈے پر پہنچنے پر گرفتار کرلیا گیا۔ ملزم کے خلاف تعزیرات ہند کی دفعہ 354 (عورت پر حملہ یا اس کی عزت کو مجروح کرنے کے ارادے سے حملہ کرنا) اور دفعہ 509 (لفظ، اشارہ یا فعل جس کا مقصد کسی خاتون کی عزت نفس کی توہین کرنا ہے) کے تحت مقدمہ درج کیا گیا ہے۔

اسلام آباد: بارہ کہو میں چھ سالہ بچی جنسی زیادتی کے بعد قتل

وفاقی دارالحکومت اسلام آباد میں بارہ کہو کے علاقے نئی آبادی میں چھ سال کی بچی کو جنسی زیادتی کے بعد قتل کر دیا گیا ہے۔

تھانہ بارہ کہو کے محرر حمزہ نے اردو نیوز کو بتایا کہ اتوار کو دن 12 بجے نئی آبادی کے علاقے کی ایک گلی سے بچی کی لاش ملی تھی

ان کے مطابق نامعلوم ملزم نے بچی کو زیادتی کے بعد قتل کر دیا تھا۔ حمزہ کے مطابق لاش کا پوسٹ مارٹم اور میڈیکل کرایا گیا جس سے معلوم ہوا کہ بچی کو قتل سے پہلے جنسی زیادتی کا نشانہ بنایا گیا تھا۔

پولیس کے مطابق واقعے کی ایف آئی آر درج کی جارہی ہے۔

انہوں نے بتایا کہ بچی کے لواحقین نے اندراج مقدمہ کے لیے درخواست دے دی ہے جس پر کارروائی عمل میں لائی جارہی ہے۔

پولیس اہلکار کا مزید کہنا تھا کہ لواحقین نے درخواست میں کسی کو نامزد نہیں کیا۔ پولیس نامعلوم ملزم کو تلاش کر رہی ہے۔

پولیس کا چھاپہ، خدیجہ شاہ پچھلے دروازے سے نکل گئیں، شوہر گرفتار

کور کمانڈر ہاؤس پر حملے کی ملزمہ خدیجہ شاہ پولیس کو چکمہ دے کر گرفتاری سے بچنے میں کامیاب ہوگئیں تاہم ان کے شوہر کو پولیس نے گرفتار کرلیا ہے۔

نجی ٹی وی جیو نیوز کے مطابق خدیجہ شاہ سابق وزیر خزانہ سلمان شاہ کی صاحبزادی ہیں اور انہیں حکام کی جانب سے کور کمانڈر ہاؤس پر حملے کی مرکزی ملزمہ قرار دیا گیا ہے۔ پولیس نے ان کی گرفتاری کیلئے ان کے گھر پر چھاپہ مارا تو وہ پچھلے دروازے سے نکلنے میں کامیاب ہوگئیں جس کی سی سی ٹی وی فوٹیج بھی آگئی ہے۔ پولیس نے ان کے شوہر  کو گرفتار کرلیا۔ پولیس ذرائع کے مطابق خدیجہ شاہ کے والد سلمان شاہ اوربھائی کو حراست میں لینے کا الزام غلط ہے۔

آدمی نے دادی کو قتل کردیا، پھر نوکرانی کو بلا کر صفائی کرنے کا حکم دیا لیکن اس نے آگے سے کیا کیا؟

امریکی ریاست فلوریڈا کے ایک 34 سالہ شخص نے مبینہ طور پر اپنی دادی کو قتل کیا اور پھر اپنے نوکرانی کو حکم دیا کہ وہ صفائی کرے،  یہ واقعہ اس وقت پیش آیا جب انتھونی مائیکل کوراڈو نے اپنی 82 سالہ دادی کو ہتھوڑے سے مارا اور اپنے دادا کو بری طرح پیٹا۔ کولیر کاؤنٹی شیرف کے دفتر کی طرف سے جمع کرائی گئی پولیس رپورٹ کے مطابق اس شخص نے پھر اپنی نوکرانی کو بلایا اور اسے اپنے دادا دادی کے گھر آنے اور  ' گندگی' صاف کرنے کو کہا۔ جب نوکرانی  گولڈن گیٹ سٹیٹس کے مضافاتی علاقے میں گھر پہنچی تو اس نے دیکھا کہ کوراڈو ’’خون میں لتھڑا ہوا‘‘ 

تھا

نیو یارک پوسٹ کے مطابق ملزم نے نوکرانی کو ہدایت کی کہ لاش کو گھر سے باہر لے جائے اور سی سی ٹی وی کیمرے بند کردے۔ جب نوکرانی نے اسے بتایا کہ انہیں پولیس کو بلانے کی ضرورت ہے، تو اس نے کہا 'میں واپس جیل نہیں جاؤں گا۔' خوفزدہ گھریلو ملازمہ نے پھر اسے بتایا کہ اسے صفائی کا سامان لینے کے لیے اپنی کار  میں جانا پڑے گا،  وہ وہاں سے گئی اور بھاگ کھڑی ہوئی، قریب ہی اسے پولیس کی ایک گشتی کار ملی جسے روک کر اس نے صورت حال سے آگاہ کیا۔

پولیس فوری طور پر موقع پر پہنچی اور ملزم کو گھر کے باہر سے گرفتار کرلیا ۔ ملزم کی دادی کی لاش پلاسٹک میں لپٹی ہوئی تھی جب کہ دادا کو بھی اس نے پلاسٹک میں لپیٹا ہوا تھا، پولیس نے دیکھا تو دادا زندہ تھا لیکن اس کے سر پر گہری چوٹیں آئی ہوئی تھیں، پولیس نے فوری طور پر اسے ہیلی کاپٹر کے ذریعے ٹراما سنٹر منتقل کیا۔

سربراہ تحریک انصاف عمران خان کی طبیعت ناساز، ہسپتال منتقل

سابق وزیر اعظم اور پاکستان تحریک انصاف کے سربراہ عمران خان کو طبیعت میں ناسازی کے باعث ہسپتال منتقل کردیا گیا ہے ۔

جیو جیوز کے مطابق عمران خان گزشتہ روز سے  معدہ میں تکلیف محسوس کر رہے تھے جس کے باعث انہیں شوکت خانم ہسپتال منتقل کیا گیا ، ہسپتال میں ان کے مختلف ٹیسٹ کیے جارہے ہیں۔عمران خان کی شوکت خانم آمد کے موقع پر سیکیورٹی کے سخت ترین اقدامات کیے گئے ۔

  

زمان پارک کی تلاشی شروع، لیگل ٹیم نے سرچ آپریشن کی اجازت دے دی

زمان پارک کی تلاشی کیلئے آنیوالی ٹیم کو عمران خان کی لیگل ٹیم نے سرچ آپریشن کی اجازت دیدی۔

نجی ٹی وی جیو نیوز کے مطابق کمشنر لاہور ڈویژن کی سربراہی میں تلاشی کیلئے جانیوالی ٹیم نے سرچ وارنٹ دکھائے تو عمران خان کی لیگل ٹیم نے رہائش گاہ میں سرچ آپریشن کی اجازت دیدی۔ ڈی سی لاہور، ڈی آئی جی اور ایس ایس پی بھی ٹیم میں شامل ہیں۔

سرچ وارنٹ کے مطابق پولیس ٹیم سابق وزیراعظم عمران خان کے گھر کے اندرونی اور بیرونی حصوں کی تلاشی لینے کی مجاز ہے۔ تلاشی کیلئے دیگر افسران کے علاوہ خواتین اہلکار بھی ٹیم کے ہمراہ ہیں

نگران  وزیر اطلاعات پنجاب عامر میر نے الزام عائد کیا تھا کہ کورکمانڈر ہاؤس سمیت فوجی تنصیبات پر حملہ کرنیوالے 40 کے قریب دہشت گرد عمران خان کی رہائش گاہ میں موجود ہیں تاہم اب دیکھنا یہ ہے کہ عامر میر کا دعویٰ سچ تھا یا نہیں۔

شیخ رشید نے نگران حکومت کو کام سے روکنے کیلئے لاہور ہائیکورٹ سے رجوع کرلیا

 

نجی ٹی وی چینل ایکسپریس نیوز کے مطابق شیخ رشید نے اپنے وکیل اظہر صدیق ایڈووکیٹ کی وساطت سے درخواست دائر کی ،درخواستگزار کی جانب سے موقف اختیار کیا گیا ہے کہ نگران حکومت کی 90 دن کی مدت پوری ہو چکی ،آئینی طور پر نگران حکومت مزید کام نہیں کر سکتی، درخواست میں استدعا کی گئی ہے کہ عدالت نگران حکومت کو کام سے روکنے کاحکم دے ۔

 

 

عمران خان کے گھر چھاپے کا پلان سامنے آ گیا، سرچ وارنٹ جاری

 

نجی ٹی وی جیو نیوز کے مطابق سابق وزیراعظم عمران خان کی رہائش گاہ زمان پارک میں چھاپے کیلئے پولیس نے سرچ وارنٹ حاصل کر لئے ہیں۔ گھر کے اندرونی اور بیرونی حصوں میں سرچنگ کی جائے گی۔ تلاشی کیلئے ایس پی سمیت دیگر افسران کے علاوہ خواتین اہلکار بھی ساتھ ہوں گی۔

دہشت گردوں کی تلاشی کیلئے جانیوالی ٹیم کی سربراہی کمشنر لاہور ڈویژن کریں گے، پولیس کی سرچ ٹیم آج عمران خان کے گھر کی تلاشی لیں گے۔ پنجاب حکومت نے عمران خان کے گھر 400 پولیس اہلکار بھجوانے کا اعلان کر رکھا ہے۔ نگران وزیر اطلاعات عامر میر کے مطابق 40 دہشت گرد عمران خان کے گھر چھپے ہوئے ہیں، ایک دہشت گرد کو پکڑنے کیلئے 4 پولیس اہلکاروں کو بھیجا جائے گا

 

نیو یارک شہر فلک بوس عمارتوں کے بوجھ سے زمین میں دھنسنے لگا، نئی تحقیق میں تہلکہ خیز دعویٰ

ایک نئی تحقیق میں دعویٰ کیا گیا ہے کہ امریکی شہر  نیویارک ڈوب رہا ہے اور اس کی فلک بوس عمارتیں اسے نیچے لا رہی ہیں۔ تحقیق میں خبردار کیا گیا ہے کہ شہر کی فلک بوس عمارتوں کا وزن نیویارک کو اس کے آس پاس کے پانی کے نیچے دھنسانے کا سبب بن رہا ہے ، یہ  ایک ایسا رجحان ہے  جسے سبسائیڈنس کہا جاتا ہے

نیویارک پوسٹ  کے مطابق  نیویارک میں 10 لاکھ سے زائد عمارتوں کا وزن تقریباً 1.7 ٹریلین پاؤنڈ ہے۔ یہ تحقیق امریکی جیولوجیکل سروے اور رہوڈ آئی لینڈ یونیورسٹی کے ماہرین ارضیات نے کی ہے جسے جرنل" ارتھز فیوچر " میں شائع کیا گیا ہے۔ محققین نے پایا کہ شہر ہر سال 1-2 ملی میٹر کی شرح سے ڈوب رہا ہے۔ وہ شہر کے نیچے ارضیات کا موازنہ سیٹلائٹ ڈیٹا سے کر کے اس کے نقشے کو ظاہر کرتے ہوئے اس نتیجے پر پہنچے۔ محققین نے مزید کہا کہ کچھ علاقے جیسے لوئر مین ہٹن، بہت تیزی سے  نیچے دھنس  رہے ہیں۔ بروکلین اور کوئینز دونوں کے لیے بھی تشویش ہے۔

امریکہ کے جیولوجیکل سروے کے سرکردہ محقق اور ماہر ارضیات ٹام پارسنز نے نئی رپورٹ میں لکھا 'نیو یارک کو سیلاب کے خطرے سے اہم چیلنجوں کا سامنا ہے؛ شمالی امریکہ کے بحر اوقیانوس کے ساحل پر سمندر کی سطح میں اضافے کا خطرہ عالمی اوسط سے 3 سے 4 گنا زیادہ ہے. نیو یارک شہر میں سیلاب سے  8.4 ملین افراد پر مشتمل گہری آبادی کو مختلف درجے کے خطرات کا سامنا ہے۔ '

انہوں نے  کہا کہ وہ توقع کرتے ہیں کہ ان نتائج سے سیلاب کے بڑھتے ہوئے خطرے اور سمندر کی بڑھتی ہوئی سطح کا مقابلہ کرنے کے لیے تخفیف کی حکمت عملی تیار کرنے کے لیے مزید کوششوں کی حوصلہ افزائی ہوگی۔ انہوں نے رپورٹ میں کہا کہ ' تحقیق کا مقصد یہ شعور اجاگر کرنا ہے کہ ساحل، دریا یا جھیل کے کنارے پر تعمیر کی جانے والی ہر اضافی اونچی مستقبل 

میں سیلاب کے خطرے میں حصہ ڈال سکتی ہے۔

زندگی کے 40 سال طلاق یافتہ بن کر رہنے والی 77 سالہ خاتون نے بالآخر باضابطہ طورپر خود سے شادی کرلی

ایک 77 سالہ امریکی خاتون نے چند روز قبل باضابطہ طور پر خود سے ہی شادی کرلی ہے, شادی کے بعد انہوں نے کہا کہ زندگی اب مجھ سے ہی متعلق ہے اور آج کا دن میرے لیے خاص ترین دن بھی ہے۔ ڈورتھی ’ڈوٹی‘ فائڈیلی نے بتایا کہ وہ ایک جانب بہت مضطرب تھیں تو انہیں خوشی بھی تھی کہ آج ایک یادگار دن ہے۔ایکسپریس نیوز کے مطابق ان کی شادی اوہایو کے ایک کمیونٹی ہال میں ہوئی جہاں ان کے دوس اور اہلِ خانہ کے افراد بھی تھے۔ اگرچہ خاتون نے 1965 میں شادی کی تھی لیکن 9 برس بعد طلاق ہوگئی تھی۔ اس کے بعد انہوں نے شادی کا نہیں سوچا لیکن اب خود سے بیاہ رچایا ہے تاہم ڈورتھی کی بیٹی نے ان کے لیے لباس خریدا، پھول پسند کئے اور کھانے تیار کئے تھے۔ اس موقع پر دومنزلہ سفید کیک بھی تیار کیا گیا تھا۔ انہوں نے بتایا کہ چند ماہ قبل انہیں خیال آیا کہ 40 سال سے زائد وہ شادی کے بغیر ہیں تو کیوں نہ کوئی خاص قدم اٹھایا جائے۔انہوں ںے کہا کہ وہ اپنی بیٹیوں اور نواسے نواسیوں کی دیکھ بھال کے بعد اب خود سے وابستہ ہونا چاہتی ہیں۔